كل جرّة وكل شيكل
في مكانه.

FlowGas بيرتّب دورة توزيع الغاز عندك: ارفع كشف الشركة، وسجّل مين سلّم الجرة الفارغة، ومين استلم المعبّأة، ومين دفع — من الجوال وإنت واقف عالسيارة.

gaz.flrsas.com

كشف 5 دورة 11 · 282 عميل

الكشف الحالي

سلّموا الفارغة99%

استلموا المعبّأة71%

دفعوا بالكامل86%

دورة التوزيع، خطوة بخطوة

نفس الشغل اللي بتعمله كل دورة، بس كل واحد بتعرف وين وصل بلمسة.

1
ارفع كشف الشركة

ملف Excel أو CSV من القالب الجاهز. العملاء الجداد بينضافوا لحالهم، والأرقام بتتحدّث، والمكرّر بيتخطّى.
2
سلّم الجرة الفارغة

كبسة وحدة جنب اسم العميل. فلتر «ما سلّم الفارغة» بيطلعلك مين لسّا.
3
استلم المعبّأة

لما ترجع الجرار من التعبئة، سجّل مين أخذ جرّته. اللي بالمخزن ظاهرين بفلتر لحالهم.
4
الدفع

بأي مرحلة، كامل أو على دفعات. الدين بيتحدّث فوراً، والكشف بينقفل لحاله لما الكل يخلّص.

تذكير دين، تذكير تسليم الجرة، أو «جرتك جاهزة» — للي بيخصّهم بس. بتعدّل النص وبتشوف معاينة قبل الإرسال.

زر «كامل» جنب الاسم بيسجّل المتبقّي، أو اكتب أي مبلغ — كاش أو تحويل. وبعدها وصل جاهز للطباعة.

كم قبضت اليوم، كاش وتحويل، ومين من الموظفين قبض شو. وأي دفعة غلط بتنلغى بسبب مكتوب وما بتنمسح.

الدين المتبقي، نسبة التحصيل لكل كشف، ومين أكثر المدينين — أول ما تفتح.

كل دوراته ودفعاته، شو سلّم وشو استلم، وقديش ضايل عليه. والبحث بالاسم أو الهوية أو الجوال.

كل موزع بحساب معزول: عملاؤك وديونك ورسائلك ما حدا غيرك بيشوفها.

الكشف على الجوال بطاقات كبيرة: الاسم والدين فوق، وتحتهم زر المرحلة الجاية وخانة الدفع. ما في جداول صغيرة ولا تكبير وتصغير.

ابعتلنا على واتساب ومنجهّزلك حساب ومنرفع معك أول كشف.